قلم رصاص ومبراية

قلم رصاص ومبراية، وخرطش ما معو محاية

ترك المعهد و دخل المعبد، حامل شعار و راية

صوتو بصيرخو صامت، وحبرو بلونو شفاف

مكتوب برمز ممنوع، أرما معلقة عالكوع

حيط مزين و ملون، أفكار ما بتخطر عالبال

فنتر كلب هو واطيع، حيوان لا بيفهم لا بينلام 

وطى وسألو ، مش ذنبو قالولو هون الحمام 

قال بقلبو نتيجة مربى الدلال، شو ما عملنا فيكون حلال

صوت وصورة ممنتجين، غسيل دماغ يا مين يشيل

شاشة محصورة بإطار، متل العجة المخفوقة

البيضة حلوة على النار لما نخليلا عيونا

ت تأشع كل اللي صار حتى لو محضورة

طير وفرقع يا بوشار، ولما تغلي قوي النار

اللي قالو ما تفكر بتحتار، كان شايف إدامو حمار 

لم انكسرت لمراية عرف حالو صرماية

دون سياسي شي أساسي، كتب فوق سلة لخيار 

كم واحد ضلو مأروط والزكي بي ريشو طار

Rony Moukarzel